Qazaqstan logıstıka tıimdiligi deńgeıi boıynsha 11 satyǵa joǵarylady

ASTANA. QazAqparat - 2016 jyly logıstıka tıimdiligi deńgeıi boıynsha Qazaqstan 11 pozıtsııa joǵary kóterilip, álemniń 160 eliniń arasynda 77-orynǵa turaqtady, dep habarlaıdy finprom.kz.

Logıstıka tıimdiligi ındeksi boıynsha Qazaqstan birqatar TMD elderinen ozyq tur: Reseı 99-orynda,  Ýkraına - 80-orynda, Ózbekstan - 118-orynda, Belarýs - 120-orynda jáne Qyrǵyzstan - 146-orynda.

Mamandardyń aıtýynsha, 2016 jyly temir jol tasymaldarynan túsken tabys 29 mlrd. teńgege ósken. Qazir bul sala keń kólemdegi ózgeris rejıminde. Temir jol tasymaldary salasyndaǵy básekelestik tek ulǵaıa túsedi. Saladaǵy kiris deńgeıiniń artýyna tasymal qunynyń ósýi yqpal etedi, sebebi tasymal kólemi azaıady.

Bıylǵy 9 aıda sala kásiporyndary ótken jylmen salystyrǵanda 4% az júk tasymaldaǵan (236 mıllıon tonna). Jolaýshylar tasymaly 22% azaıǵan - qańtar-qyrkúıek aılarynda temir jol arqyly 17 mıllıon adam qatynaǵan.