Qazaqstan lıtıı óndirisin jolǵa qoıý úshin Koreıamen yntymaqtastyq ornatady
ASTANA. KAZINFORM — Memleket basshysy KIGAM kompanııasynyń prezıdenti Peng-Ký Lıdi jáne SK Ecoplant vıtse-prezıdenti Hansol Pekti qabyldady.
Kezdesýde Qazaqstannyń Ońtústik Koreıamen geologııalyq barlaý jáne taý-ken óndirisi salalaryndaǵy yntymaqtastyq perspektıvasy talqylandy.
Qasym-Jomart Toqaevqa Koreıa Geologııalyq zertteý jáne mıneraldy resýrstar ınstıtýtynyń (KIGAM) Shyǵys Qazaqstan oblysyndaǵy «Bakennoe» lıtıı ken ornynda júrgizgen barlaý jumystary jóninde málimet berildi.
Memleket basshysy lıtıı óndirisin jolǵa qoıýdyń, ony óńdeýdiń jáne daıyn ónim shyǵarýdyń mańyzdy ekenin atap ótip, «shıkizat ornyna ınvestıtsııa men tehnologııa» pragmatıkalyq formýlasyna saı yntymaqtastyq ornatý múmkindigin qarastyrýdy usyndy.
Prezıdent SK Ecoplant kompanııasynyń qaldyqtardy ıgerý jáne sý tazalaý baǵytyndaǵy ınnovatsııalyq tásilderine joǵary baǵa berdi.
Onyń pikirinshe, koreıalyq kompanııalar qaldyqtardy kádege jaratý jónindegi birlesken jobalardy júzege asyrýǵa qatysa alady.
Hansol Pek Memleket basshysyna kompanııanyń «jasyl» sýtegi óndirisi salasynda qol jetkizgen tabystary jóninde baıandady.
