Qazaqstan Latvııadan ákelinetin shprottarǵa tyıym saldy
ASTANA. QazAqparat - Búginnen bastap Qazaqstan Latvııadan ákelinetin shprottarǵa tyıym saldy. Bul týraly Ortalyq kommýnıkatsııalar qyzmetindegi brıfıng barysynda QR Tutynýshylardyń quqyqtaryn qorǵaý agenttigi tóraǵasynyń orynbasary Nurlan Uranhaev osylaı málimdedi.
Tóraǵa orynbasarynyń aıtýynsha, latvııalyq shprottar quramynda adam densaýlyǵyna asa qaýipti zattar tabylǵan. «Búginnen bastap Qazaqstannyń aýmaǵyna Latvııa Respýblıkasynda óndirilgen qalbyrdaǵy shprottardy ákelýge jáne satýǵa tyıym salyndy. Osyǵan oraı, arnaıy qaýly shyqty. Bul týraly biz Reseı men Belarýstaǵy áriptesterimizge habar berdik. Latvııaǵa da habarlastyq. Olar da bundaı konservilerdi taýyp, tıisti jumystar atqarýlary kerek», - dedi N.Uranhaev brıfıngte.
Onyń aıtýyna qaraǵanda, Latvııadan ákelinetin shprottardyń quramynda benzopıren zaty anyqtalǵan. «Benzopıren - bul qaýiptiligi joǵary synypqa jatatyn, qaterli isik sekildi aýrýlarǵa sebep bolatyn zat ekeni málim», - dedi ol.
