Qazaqstan lańkestikpen, ekstremızmmen kúreste halyqaralyq qoǵamdastyqpen ózara is-qımyldy kúsheıtýge daıyn - N.Nazarbaev
ASTANA. QazAqparat - Qazaqstan lańkestikpen, ekstremızmmen kúreste halyqaralyq qoǵamdastyqpen ózara is-qımyldy kúsheıtýge daıyn. Bul týraly búgin Aqordada Qazaqstanda tirkelgen sheteldik dıplomatııalyq mıssııalar basshylarymen kezdesýde Elbasy Nursultan Nazarbaev aıtty.
«Qazaqstan órkenıetaralyq jáne dinaralyq suhbattastyqtyń damýyna óz úlesin qosýda. Bizder bastamashy bolǵan Álemdik jáne dástúrli dinder kóshbasshylarynyń sezi tanymal halyqaralyq suhbat alańyna aınaldy. Sizderdiń elderińizdiń delegattaryn aǵymdaǵy jyldyń maýsymynda Astanada ótetin Álemdik jáne dástúrli dinder basshylarynyń V sezine shaqyramyz», - dedi Elbasy. Sonymen qatar Memleket basshysy lańkestiktiń búginde jahandyq problemaǵa aınalǵany ári onymen barsha álem birlesip kúresýi qajettigi eshkimge kúdik týdyrmaıtyndyǵyn basa aıtty. «Qazaqstan lańkestik pen ekstremızmniń kez kelgen kórinisin úzildi-kesildi aıyptaıdy jáne bul zulymdyqqa qarsy barlyq elderdiń jahandyq jumystaryna qatysady. Biz mundaı qatermen kúreste halyqaralyq qoǵamdastyqpen ózara is-qımyldy kúsheıtýge daıynbyz», - dedi QR Prezıdenti.
