Qazaqstan qyzylshaǵa qarsy 2,5 mln vaktsına satyp alady
«Ókinishke oraı, bıyl obektıvti turǵyda qyzylshaǵa qatysty kúrdeli jaıt bolyp tur. Biz munan sabaq alyp, barlyq óńirlerde halyqpen jumysty jandandyrdyq. Qoǵamdyq densaýlyqty qorǵaý komıtetiniń aýmaqtyq departamentteri men Densaýlyq saqtaý basqarmalarynyń qyzmetkerlerine rızashylyǵymdy bildirgim keledi. Halyq arasynda túsindirý boıynsha aýqymdy jumystar júrgizilip jatyr», - dedi mınıstr.
Onyń aıtýynsha, qyzylsha shtamy shetelden kelgen. Buǵan qosa, vırýstyń órshýine naýqastanǵan balalardyń basym bóliginiń aldy ala ekpe almaýy sebep bolǵan. Sondyqtan mınıstrlik qyzylshaǵa qarsy vaktsına jasaý jumystaryn kúsheıtýdi qolǵa almaq. Ol úshin aldaǵy ýaqytta elimiz qyzylshaǵa qarsy 2,5 mıllıon vaktsına satyp alady.
«Qazir qorymyzda jetkilikti vaktsına bar, qyzylsha órshigen jerlerde ekpe jumystaryn júrgizip jatyrmyz. Degenmen, osy jyly dári-dármek satyp alýdan únemdelgen qarjy esebinen 2,5 mıllıon dári mólsherin halyqaralyq uıymdardan tikeleı satyp alamyz. Qazir kelissóz júrgizilip jatyr», - dedi E.Birtanov.