Qazaqstan qytaılyq Shensı provıntsııasymen yntymaqtastyqty nyǵaıtady
BEIJІŃ-SIANЬ. QazAqparat - 2017 jyldyń 20-21 qyrkúıegindegi Sıan qalasyna jumys sapary barysynda QHR-daǵy QR elshisi Shahrat Nuryshev Shensı provıntsııasynyń gýbernatory Hý Hepınmen kezdesti, dep habarlaıdy «QazAqparat» HAA Qytaıdaǵy tilshisi.
Kezdesý barysynda taraptar «Nurly jol» jáne «Bir beldeý, bir jol» bastamalaryn, Qazaqstan oblystary men Shensı provıntsııasy arasyndaǵy óńirlik ózara yqpaldastyq pen baılanystardyń damýy máselelerin talqylady. Sonymen qatar, aýyl sharýashylyǵy, ǵylymı-tehnıkalyq, tranzıttik-tasymaldaý baılanystary, Baqytjan Saǵyntaevtyń Shensı provıntsııasyna sapary (2016 jyldyń shilde aıy) kezinde jasalǵan kelisimderdi júzege asyrý máseleleri de qarastyryldy.
Qazaqstan Respýblıkasynyń provıntsııaǵa yqpaldastyǵyn nyǵaıtý jóninde ýaǵdalastyq jasaldy.
Elshi gýbernator Hý Hepınge Shensı provıntsııasynyń Astana qalasyndaǵy halyqaralyq mamandandyrylǵan «EKSPO-2017» kórmesine belsene qatysqanyna alǵys aıtty.
Sondaı-aq, Sıanǵa sapary barysynda Sh.Nuryshev Sıan shet tilder ýnıversıteti janynan ashylǵan Qazaqstandy taný ortalyǵy men Eýrazııalyq ekonomıkalyq forýmnyń ashylý saltanatyna qatysty.
