Qazaqstan Qytaıǵa jetkizetin aýyl sharýashylyǵy ónimin sertıfıkattaıdy
«Qazir QHR-men aýyl sharýashylyǵy ónimderimizdi tezdetip testileý jáne onyń sapa sáıkestigin rastaý úshin qajetti jaǵdaılar jasaý boıynsha jumystar júrgizip jatyrmyz», - dedi ol.
Onyń aıtýynsha, búginde ShQO nemese Almaty oblysynda Sapany qadaǵalaý, ınspektsııa jáne karantın bas basqarmasynyń talaptaryna sáıkes tehnıkalyq jaraqtalǵan jáne olarmen akkredıtelgen zerthanalar qurý boıynsha jobalardy iske asyrý bastaldy.
«Bul neni bildiredi? Bul erteń qazaqstandyq fermerler, sondaı-aq orta azııalyq óńirden fermerler Qytaıǵa ónimdi jetkizgen kezde Qazaqstan aýmaǵyndaǵy osy zerthanalarda ónimdi sertıfıkattaı alady. Test nátıjeleri Qytaıda qaıta tekserilmeıdi - olarǵa senim bildiriledi», - dedi ol.
Eske sala ketsek , 14 mamyr kúni Qazaqstannan Qytaıǵa eksporttalatyn balǵa qoıylatyn Sanıtarlyq talaptar, ınspektsııa jáne karantın jónindegi hattamaǵa QR Aýyl sharýashylyǵy vıtse-mınıstri men QHR-dyń Sapany qadaǵalaý, ınspektsııa jáne karantın jónindegi bas basqarmasynyń (SQIKBB) tóraǵasy qol qoıdy.
Kelisim Qazaqstan Prezıdenti Nursultan Nazarbaevtyń Qytaı Halyq Respýblıkasyna sapary barysynda jasaldy.