Qazaqstan Qytaıǵa ósimdik jáne zyǵyr maıyn eksporttaıtyn boldy

ASTANA. QazAqparat - Búgin Qazaqstan Respýblıkasy Premer-Mınıstriniń orynbasary - Aýyl sharýashylyǵy mınıstri Asqar Myrzahmetov qytaılyq Grand China Business Management LTD., CO. jáne China SDIC International Trade Co., Ltd ókilderimen kezdesti.

Bul týraly QR AShM baspasóz qyzmeti habarlaıdy.

Kezdesý barysynda taraptar Qazaqstan eksporttaıtyn aýyl sharýashylyǵy ónimderiniń kólemin ulǵaıtý, sonyń ishinde ósimdik jáne zyǵyr maıyn eksporttaý týraly kelisimge qol jetkizdi.

 

Kezdesý barysynda eki el arasyndaǵy ınvestıtsııalyq portfeldi keńeıtý máseleleri qaraldy. Atap aıtqanda Qazaqstan Respýblıkasynyń Aýyl sharýashylyǵy mınıstrligi men qytaılyq áriptester Qazaqstandaǵy jobany júzege asyrý máselesin qytaılyq talaptar men jeńildikterge sáıkes keletin maılar óndirisi úshin ázirleıdi.

Sondaı-aq, ózara saýda jáne ınvestıtsııa kólemin ulǵaıtý maqsatynda «QAZAGRO» AQ men «Azyq-túlik korporatsııasy» AQ qytaılyq seriktestermen yntymaqtastyq týraly memorandýmǵa qol qoıdy.