Qazaqstan Qytaıǵa qandaı ónimderin eksporttaıdy
«Qytaıdyń Shensı provıntsııasy Sıan qalasynda 2018 jylǵy mamyr aıynyń 10 men 13 aralyǵynda ShYU-ǵa múshe elderdiń arasynda transshekaralyq epızotııalyq aýrýlarmen kúres jáne monıtorıng júrgizý boıynsha konferentsııa ótýde. Konferentsııa aıasynda Qazaqstan Respýblıkasy Premer-Mınıstriniń orynbasary - Aýyl sharýashylyǵy mınıstri Ómirzaq Shókeev pen Qytaı Halyq Respýblıkasy Bas keden basqarmasynyń tóraǵasy Nı Iefen Qytaıǵa raps kúnjarasyn eksporttaýdyń fıtosanıtarııalyq talaptary týraly hattamaǵa qol qoıdy», - delingen mınıstrlik taratqan málimette.
Sondaı-aq vedomstvo aqparatyna sáıkes, qytaılyq tarap Qazaqstannyń 5 oblysy (ShQO, Almaty, Jambyl, Qyzylorda jáne Ońtústik Qazaqstan oblystary) vaktsınatsııalaý arqyly aýsyldan bosatylǵan taza aımaq mártebesin alǵanyn atap ótken. Sonyń nátıjesinde Qazaqstannan veterınarlyq sertıfıkattar boıynsha Qytaıǵa mal ónimderin jáne tiri janýarlardy jetkizý múmkindigi týdy. Nodýlıarly dermatıtke qatysty shekteýler elimizdiń barlyq aýmaǵynan alyndy, bul jaqyn arada QR-dan QHR-ge eksporttalatyn sıyr etine qoıylatyn veterınarlyq talaptar týraly hattamaǵa qol qoıýǵa múmkindik beredi.
Eksporttaýshy kásiporyndar tizimine engiziletin qytaılyq sarapshylardyń arpa jáne júgeri óndiretin qazaqstandyq kásiporyndarǵa tekserý júrgizýi jóninde kelisimder jasaldy.
Jumys sapary barysynda Ómirzaq Shókeev Qytaı Halyq Respýblıkasynyń partııalyq jáne úkimettik uıym basshylarymen kezdesti. Taraptar ózara saýda-sattyqtyń «Bir beldeý - bir jol» jobasy aıasynda oń kórsetkishke ıe bolǵanyn atap ótti.
Qazaqstandyq aýyl sharýashylyǵy ónimderi eksportyn arttyrý maqsatynda Aýyl sharýashylyǵy mınıstrligi men Qytaılyq tarap arasynda osy ýaqytqa deıin balyq ónimderin, asyl tuqymdy jylqy, muzdatylǵan qoı, bal, bıdaı, kebek, soıa jáne soıylǵan jylqylardy tasymaldaý boıynsha hattamalarǵa qol qoıylǵan bolatyn.
Aǵymdaǵy jyly qytaılyq tarappen sıyr etine, soıylǵan usaq maldar, bir órkeshti túıelerge veterınarlyq talaptardy jáne arpa, júgeri, zyǵyr, burshaq, saflor jáne qaýyn tuqymdaryna (asqabaq tuqymy, qarbyz, qaýyn) fıtosanıtarııalyq talaptardy kelisý josparlanǵan.
Budan basqa, Aqtóbe, Shyǵys Qazaqstan, Pavlodar oblystarynan astyqty jóneltýge ruqsat alý jóninde kelissózder júrgizilýde. Qazirgi ýaqytta Aqmola oblysy, Soltústik Qazaqstan jáne Qostanaı oblystarynan 67 astyq qabyldaý pýnktterinen jóneltýge ruqsat etilgen.