Qazaqstan Qytaıdyń Ýkraına daǵdarysyn sheshýdegi ustanymyn joǵary baǵalaıdy
«Búginde bizdiń elder ekijaqty formatta da, birqatar óńirlik jáne halyqaralyq uıymdar aıasynda da ózara tyǵyz áreket etip otyr. Birlesken kúsh-jigerdiń arqasynda Shanhaı Yntymaqtastyq Uıymynyń, Azııadaǵy ózara is-qımyl jáne senim sharalary keńesiniń maqsattary men mindetterin óristetip kelemiz», - dedi Qasym-Jomart Toqaev.
Prezıdenttiń paıymynsha, halyqaralyq saıasattaǵy qazirgi ahýal jahan saıasatyndaǵy básekeles polıýsterdiń arasyna kópir ornatý úshin kóp kúsh jumsaýdy qajet etedi.
«Tóraǵa Sı kótergen «Jahandyq qaýipsizdik bastamasy» álemniń ornyqty damýynda úlken ról oınaıdy jáne zamannyń buryn-sońdy bolmaǵan qaterlerine sheshimtal jaýap bola alady. Sonymen qatar, Qazaqstan Qytaıdyń Ýkraına daǵdarysyn sheshýdegi ustanymyn joǵary baǵalaıdy», - dedi Memleket basshysy.
