Qazaqstan Qytaıdyń isker toptary úshin vızany jeńildetý máselesin qarastyryp jatyr - E.Ydyrysov
ASTANA. QazAqparat - Qazaqstan Qytaıdyń isker toptary úshin vızany jeńildetý máselesin qarastyryp otyr. Bul týraly búgin esep berý kezdesýinde jýrnalısterdiń suraǵyna jaýap bere otyryp, Qazaqstan Respýblıkasynyń Syrtqy ister mınıstri Erlan Ydyrysov málim etti.
«Vızaǵa qatysty Qytaıdyń máselesine toqtalatyn bolsaq, qazir konsýltatsııa berip jatyrmyz. ıAǵnı, toptyq týrıstik saparlarǵa vıza berý rásimin jeńildetkizim keledi. Eger de toptyq sapar týraly kelisimge qol qoıylsa, isker toptardyń ókilderi úshin vızany jeńildetý máselesin qarastyryp jatyrmyz»,-dedi elimizdiń syrtqy ister mınıstri.
E.Ydyrysov atap ótkendeı, Qytaıdyń iri ónerkásiptik baǵdarlamalary aıasynda isker toptardyń saparyn kóbeıtetin arnaıy kelisimge qol qoıylǵan. Sondaı-aq, mınıstr habarlaǵandaı, Qytaı Halyq Respýblıkasynyń Qazaqstan Respýblıkasyndaǵy elshisi «elshilik qyzmetkerleriniń týystary úshin vızany jeńil tártippen bereıik» degen usynys aıtqan.
«Bul rette biz vızany jeńil tártippen beretin naqty formalardy usyndyq. Elshilik qyzmetkerleriniń týystary kelip-ketýde qıyndyq kórgen joq. Kerisinshe, meniń oıymsha, Qazaqstanǵa qytaı dıplomattarynyń jaqyndarynyń kelip, ketýi ońaı», - dedi E.Ydyrysov.
