Qazaqstan Qytaıdaǵy koronavırýsqa baılanysty shekarada baqylaý sharalaryn kúsheıtti
«Dúnıejúzilik densaýlyq saqtaý uıymynyń resmı aqparaty boıynsha, jańa koronavırýstyq ınfektsııanyń 41 jaǵdaıy tirkelgen. Onyń ishinde 7 adam aýyr jaǵdaıda bolyp, 2-ýi qaıtys bolǵan. Bizdiń ulttyq úılestirýshiler DDSU-men baılanys jasap otyr. Ýhan qalasynyń mýnıtsıpaldyq basqarma saıtynda jańa koronavırýsty ınfektsııanyń 198 jaǵdaıy tirkelgeni, onyń ishinde 25 naýqas emdelip, 3-eýi qaıtys bolǵany týraly jazylǵan», - deıdi Jandarbek Bekshın.
Sondaı-aq, ol Taıland, Japonııa, Qytaıdyń Hýbeı provıntsııasynda osyndaı jaǵdaı bireýden tirkelgenin aıtty.
«Gonkongta da jańa koronavırýsqa kúdikti alty jaǵdaı tirkeldi, biraq rastalǵan joq. Biz bul máselege úlken kóńil bólip jatyrmyz. Shekaradan ótý oryndarynda baqylaýdy kúsheıttik. Halyqaralyq áýejaılarda qashyqtyq termometrııa jasap jatyrmyz. Qazirgi tańda 13 myńnan astam jolaýshy qashyqtyq termometrııadan ótti. Onyń ishinde ekıpaj músheleri de bar», - deıdi ol.
Qytaıdyń bes qalasyna Nur-Sultan jáne Almaty qalasynan reıster bar.
«Almatyǵa arnaıy temirjolmen keletin jolaýshylar da baqylaýǵa alyndy. Bortserikter men jolseriktermen jumys istep, trenıng ótkizip jatyrmyz, sebebi qandaıda bir jaǵdaı bolsa bizge habarlaıtyn solar», - deıdi Jandarbek Bekshın.