Qazaqstan-Qytaı týraly baıqaý: Úzdik 25 avtor marapattaldy
Mamyr aıynda «QazAqparat» halyqaralyq aqparat agenttigi men Qytaı Halyq Respýblıkasynyń Elshiligi «Bir beldeý, bir jol» bastamasy jáne «Nurly jol» baǵdarlamasy. Ózaratıimdi ósim men órkendeý traektorııasy» taqyrybynda baıqaý jarııalaǵan bolatyn.
Konkýrsqa buryn jarııalanbaǵan Qazaqstan men Qytaı arasyndaǵy dıplomatııalyq qarym-qatynastyń tarıhy men strategııalyq basymdyqtaryna, XXI ǵasyrdaǵy Uly Jibek jolynyń jańǵyrýyna, qazirgi álemdegi Qazaqstan men Qytaıdyń gýmanıtarlyq mıssııasyna arnalǵan saraptamalyq materıaldar qabyldandy jáne túrli nomınatsııalar boıynsha 25 úzdik maqala anyqtaldy.
Baıqaý nátıjesinde 61 jastaǵy aqtóbelik jýrnalıst Mıral Jarmuhambetov júldeli birinshi oryndy jeńip aldy.
«Baıqaý týraly QazAqparat agenttiginiń saıtynan oqydym. Bul meni qatty qyzyqtyrdy, sebebi Qytaı týraly kóp nárse aıtqym keledi. Balalyq shaǵymda-aq, ádemi Qytaı kartınalaryna tamsanýshy edim. Aqtóbede tarıhy 200 jyldan asatyn eski jármeńke boldy, Uly Jibek jolynyń bir joly osy jármeńkege kelip tireletin. Bul týraly talaı jazǵanmyn. Búgingi tańda Batys Eýropa - Batys Qytaı joly oblysymyz arqyly ótedi. Osynyń barlyǵyn essede kórsetýge tyrystym», - dedi jeńimpaz jýrnalısterge bergen suhbatynda.
Júldeli ekinshi oryn astanalyq Serik Pirnazar, Sadyq Ákıjanov jáne Abaı Sahanovqa berildi. Sonymen birge, túrkistandyq ıÝlııa Lımarenko, almatylyq Dáýren Dúısebaev jáne shyǵysqazaqstandyq Nurlan Álipbaev, soltústikqazaqstandyq Vladımır Vorontsov jáne astanalyq Oljas Beısenbaev respýblıkalyq esseler baıqaýynyń úshinshi ornyna ıe boldy.
«Úzdik esse» atalymy boıynsha Arnur Rahymbekov, Nurádil Begimbetov, Tamara Ismagýlova, Baqytjol Kákesh, Táttigúl Kajymuratqyzy, Jankeldi Qarjan, Asan Qumarhanov, Vıktor Mının, Láılá Noǵaıbekqyzy, Irına Volkova marapattaldy jáne baıqaýǵa belsendi qatysqany úshin Olga Shıshanova, Muratbek Maqulbekov, Nıkolaı Jorov, Bota Ibraeva jáne Galına Skrıpnıkke alǵys hattar tabystaldy.
