Qazaqstan-Qytaı shekarasynda júk kólikteriniń júrýi úshin elektrondyq kezek quryldy
TALDYQORǴAN. QazAqparat - Qazaqstan-Qytaı shekarasyndaǵy «Nur joly» ýchaskesinde polıtseıler qoǵamdyq tártipti baqylaýda, - dep habarlaıdy QazAqparat tilshisi.
Polıtsııa departamenti Qazaqstan-Qytaı shekarasynda júk kóliginiń kezegi men olardyń jyljýyn baqylaýdy Panfılov aýdanynyń ákimi basqaratyn Shtab júzege asyratynyn habarlady. Júk kólikteriniń júrýi úshin elektrondyq kezek quryldy.
Kún saıyn beınetirkegishtermen kamtamasyz etilgen jıyrmaǵa jýyq polıtsııa qyzmetkeri patrýldeý rejıminde eki aýysymda qyzmet atqarady. Polıtsııa qyzmetkerleri ýchaskede qoǵamdyq tártipti saqtaýdy qamtamasyz etedi jáne jol erejeleriniń qatań saqtalýyn baqylaıdy.
Aǵymdaǵy jyldyń basynan «Nur-Joly» keden beketine qatysty 13 habarlama men ótinish tirkeldi.
Ár azamat jol berilgen buzýshylyq týraly ótinishti jazbasha da, telefon arqyly da 8(72831)51362 nomerine joldaýǵa quqyly. Mamandar azamattardyń kez kelgen eskertýleri dereý qaralatyndyǵyn jáne máseleni oń sheshý boıynsha is-sharalar der kezinde qabyldanatynyn eske salady.
