Qazaqstan - Qytaı shekarasynda jarty tonnaǵa jýyq dári-dármek tárkilendi
ASTANA. QazAqparat - Qazaqstan - Qytaı shekarasynda qazaqstandyq shekarashylar jarty tonnaǵa jýyq dári-dármekterdi zańsyz alyp ótpek bolǵandardyń jolyn kesti. Bul týraly QR UQK ShQ baspasóz qyzmetinen habarlady.
Atap aıtqanda, «Qorǵas» baqylaý-ótkizý beketiniń shekara narıady salmaǵy 490 kılogramm bolatyn, Qytaı elinde shyǵarylǵan dári-dármekterdi ilestirme qujattarynsyz alyp ótýge tyrysqan jerinen 26 jastaǵy qazaqstandyq azamatty ustaýǵa májbúr boldy.
Ustalǵan azamat Shekaralyq yntymaqtastyqtyń halyqaralyq saýda ortalyǵynan Qazaqstan jaqqa qaraı kele jatyr eken.
Atalǵan derek boıynsha «Altynkól» keden beketiniń qyzmetkerleri habarlandyryldy.
