Qazaqstan-Qytaı shekarasynda quny 60 mln teńgeniń kontrabandalyq zaty tárkilendi
TALDYQORǴAN. QazAqparat - Almaty oblysyndaǵy «Altynkól» keden beketiniń «Qaljat» ótkizý pýnktinde ekonomıkalyq tergeý qyzmeti oblystyq memlekettik kiris departamentiniń kedenshilerimen birge asa iri kólemde ekonomıkalyq kontrabandanyń jolyn kesti, dep habarlaıdy QazAqparat tilshisi QR Qarjy mınıstrliginiń Memlekettik kiris komıtetine silteme jasap.
Kedendegi tekserý sharalary barysynda quny 60 mln teńgeden asatyn halyq tutynatyn taýarlarǵa deklaratsııa toltyrylmaǵany anyqtaldy. Bul taýarlardaǵy keden tólemderi men salyq kólemi 13 mln teńge quraǵan. Almaty oblystyq memlekettik kirister departamentiniń ekonomıkalyq tergeý qyzmeti tarapynan QR QK 234 baby, 2 bóligi, 4-shi tarmaǵy boıynsha sot aldy tergeý bastaldy. Jalpy oblys aýmaǵynda ekonomıkalyq tergeý qyzmeti kedendik zańbuzýshylyq boıynsha byltyr 47 isti sotqa jibergen.
