Qazaqstan-Qytaı shekarasynda kompıýterlik qurylǵylardy zańsyz alyp ótpek bolǵandar ustaldy

ASTANA. QazAqparat - Ótken táýlik ishinde Qazaqstan - Qytaı memlekettik shekarasynyń boıynda baılanys salasynda jáne kompıýterlik tehnıkalarda qoldanylatyn qomaqty kólemdegi zattardy zańsyz túrde áketýge tyrysqan azamat ustaldy, dep habarlaıdy QazAqparat UQK Shekara qyzmetiniń málimetterine súıene otyryp.

Naqtyraq aıtqanda, «Qorǵas» baqylaý-ótkizý beketiniń shekara narıady «Shaıman» dep atalatyn arnaıy kólikti minip, Qytaıdan Qazaqstanǵa qaraı kele jatqan 35 jastaǵy Qazaqstan azamatyn ustady.

Shekaralyq baqylaý ótkizý kezinde odan zańsyz júkter tabyldy - modemder (100 dana), zarıadtyq qurylǵylar (33 dana), bekitkishter (19 dana), lazerler (16 dana) jáne 1 jadysy aýqymdy dısk bar.

Atalǵan derek boıynsha ózara árekettes organdarǵa habarlandyryldy.