Qazaqstan-Qytaı shekarasynda kedendik zańnamanyń buzylý táýekeli únemi bar - M.Esenbaev

Bul týraly búgin QR Qarjy mınıstrligi Kedendik baqylaý komıteti janyndaǵy Konsýltatsııalyq keńestiń otyrysy barysynda atalǵan vedomstvonyń basshysy Májıt Esenbaev málim etti.

Sońǵy birneshe jyl boıy Qazaqstan-Qytaı shekara ýchaskesi  kúrdeli problemalar ordasyna aınalyp otyrǵandyǵyn jasyrmaǵan ol: «Kedendik zańnamanyń únemi buzylý táýekeli bar. Bul kontranbandalyq jáne jemqorlyq beıinde kórinis tabýda», - dedi.

Kedendik baqylaý komıteti tóraǵasynyń sózine qaraǵanda, atalǵan problemany sheshý úshin búginde birneshe nusqa ázirlengen. Olardyń qatarynda zańsyz kóliktik-logıstıkalyq kompanııadardy quqyqtyq alańǵa shyǵarý, kedendik ákimshilendirýdiń kedendik protsedýralary reglamentteriniń ashyqtyǵyn ári naqtylyǵyn qamtamasyz etý sharalaryn iske qosý josparlanǵan.