Qazaqstan-qytaı shekarasynda 40 qundyz tondy zańsyz alyp ótpek bolǵandar ustaldy

ASTANA. QazAqparat - Qazaqstandyq shekarashylar qazaqstan-qytaı shekarasynda qundyz terilerinen tigilgen buıymdardyń eki kontrabandasynyń jolyn kesti, dep habarlady QR UQK ShQ baspasóz qyzmetinen.

«Qorǵas» shekaralyq baqylaý otrıadynyń shekara narıady shekara boıy yntymaqtastyǵy aýmaǵyndaǵy saýda oryndarynan jaıaýlatyp qaıtyp kele jatqan eki qazaqstandyqty ustady.

Olardyń árqaısysy ózderimen birge jarııalanymsyz, qol júkterimen birge qundyzdan tigilgen 20 ton jáne 20 sharfty alyp ótpek bolǵan. Sonymen, barlyǵy 40 qundyz ton jáne 40 sharf kontrabandalyq jolmen engizilmek bolǵan.
Ustalǵan azamattar týraly quqyq qorǵaý oryndary qulaqtandyryldy.