Qazaqstan-qytaı shekarasynan 3,5 tsentner qus etin zańsyz alyp ótpek bolǵan azamat ustaldy

ASTANA. QazAqparat - Qazaqstan-qytaı memlekettik shekarasyndaǵy «Qorǵas» baqylaý-ótkizý beketiniń shekara narıady 3,5 tsentner qus etin zańsyz ótkizbek bolǵan azamattyń jolyn kesti, dep habarlaıdy QR UQK ShQ baspasóz qyzmetinen.

26 jastaǵy Qazaqstan azamaty Qytaı jerinen 360 keli úırek etin zańsyz alyp ótýge tyrysty. Bul týraly «Qorǵastaǵy» kedendik baqylaý beketiniń veterınarlyq-karantındik qyzmeti habarlandyryldy.

Osy kúni 10000 AQSh dollaryn, 103 500 teńgeni, 1397 ıýandy shekaradan alyp ótpek bolǵan 37 jastaǵy Qazaqstan azamaty ustaldy. Ol Qazaqstannan Qytaıǵa reıstik avtobýspen ketip barady eken.

Atalǵan derekter boıynsha tergeý amaldary júrgizilýde.