17:28, 15 Jeltoqsan 2020 | GMT +5
Qazaqstan-Qytaı shekarasy eki kúnge jabylady
NUR-SULTAN. QazAqparat - Qazaqstan-Qytaı shekarasyndaǵy avtomobıl ótkizý pýnkteri 16-17 jeltoqsan kúnderi jabyq bolady, dep habarlaıdy QazAqparat.
QR Qarjy mınıstrligi Memlekettik kirister komıtetiniń (MKK) baspasóz qyzmetinen málim etkendeı, ótkizý pýnkteri 18 jeltoqsanda jumysyn qaıta bastaıdy.
«MKK tasymaldaýshylardan óz josparlaryn atalǵan shekteýlerdi eskere otyryp qurýdy suraıdy», - delingen aqparatta.
Eske salaıyq, buǵan deıin Memlekettik kirister komıteti eksporttaýshylar Qytaı tarapymen kelisimsharttyq mindettemelerdi qaıta qaraýy qajettigin eskertken bolatyn.