Qazaqstan Qytaı, Reseı, Ózbekstannan 1,2 mlrd. tekshemetr gaz qaryzǵa alady - S.Myńbaev
ASTANA. 4 qyrkúıek. QazAqparat - Qazaqstan Qytaı, Reseı, Ózbekstannan 1,2 mlrd. tekshemetr gaz qaryzǵa alady. Bul týraly búgin Úkimettiń selektorlyq rejımdik otyrysynda QR Munaı jáne gaz mınıstri Saýat Myńbaev málim etti.
Onyń sózine qaraǵanda, ótken jylǵy jylytý maýsymynda Qazaqstan shamamen 800 mln. tekshemetr gaz qaryzǵa alyp, ony qyrkúıektiń 1-inen bastap qaıtarý jumystaryn júrgizýde.
«Biz «Gazprommen» sáıkesinshe kelisimge qol jetkizdik. Osy jyldyń 1 qarashasyna deıin qaryz jabylatyn bolady. Al, aǵymdaǵy jyly jylytý maýsymyn gazben qamtamasyz etý úshin biz qytaılyqtarmen, sáıkesinshe «Gazprommen», ózbektermen 1,2 mlrd. tekshemetr gaz qaryzǵa alamyz dep ýaǵadalastyq», - dedi S. Myńbaev.
Mınıstrdiń atap ótýinshe, qazirgi ýaqytta respýblıkada gaz tutyný kólemi artyp keledi. Aǵymdaǵy jyly qaryzǵa alynǵaly otyrǵan gazdyń 500 mlrd. tekshemetri 2012 jyly jylytý maýsymyna, al kelesi jyldyń qańtar, aqpan, naýryz aılarynda qalǵan 700 mln. tekshemetr tutynylatyn bolady.
