«Qazaqstan - Qytaı» munaı qubyryna qatysty úkimetaralyq Kelisimmen ratıfıkatsııalanatyn zań jobasy maquldandy - Májilis
ASTANA. 11 qyrkúıek. QazAqparat - Búgin Nurlan Nyǵmatýlınniń tóraǵalyǵynda ótken Májilistiń jalpy otyrysynda «Qazaqstan - Qytaı» munaı qubyryna qatysty úkimetaralyq Kelisimmen ratıfıkatsııalanatyn zań jobasy maquldandy.
Bul týraly Májilistiń baspasóz qyzmetinen habarlandy
Qujattyq kelisim boıynsha, munaı qubyry arqyly qazaqstandyq munaıdy eksportqa tasymaldaý jónindegi qyzmetterdiń tarıfi munaı qubyry júıesine kirý núktesine qaramastan, biryńǵaı bolyp tabylady jáne munaı tasymaldaý baǵytynyń uzaqtyǵy esepke alynbaı belgilenedi.
Sonymen birge qazaqstandyq naryqqa munaı berý tarıfi eksport tarıfinen aspaýǵa tıis.
Іshki naryǵynda resýrstardyń jetispeýshiligine ákeletin mán-jaılar týyndasa, Qazaqstan qajet bolǵan jaǵdaıda jyl saıynǵy kesteni tıisinshe ózgertip, Qytaı tarapyn habardar ete otyryp, munaıdy eksportqa tasymaldaýdyń aı saıynǵy kestesine ózgerister engizýge quqyly.
Jalpy otyrysta sóz alǵan jumys tobynyń jetekshisi Vıktor Rogalev munaı qubyrynyń arqasynda, qubyr ótetin jol boıyndaǵy elektr taratý jáne baılanys, jol, qazandyqtar men áleýmettik nysandardyń, sondaı-aq, barlyq ınfraqurylym negizinde 8 qosymsha sorǵylyq aıdaý stansalarynyń qurylysy qamtamasyz etiletindigin atap ótti.
Munaı qubyry ótetin Atyraý, Aqtóbe, Qyzylorda, Qaraǵandy, Shyǵys Qazaqstan jáne Almaty oblystarynyń burynǵydan da qarqyndy damýyna serpin beredi.
Sonymen birge, qazaqstandyq mazmundy keńeıtý aıasynda qosymsha 1000 jumys orny ashylady.
