Qazaqstan-Qytaı kompanııasy 1,3 mlrd teńge salyq tólemegen
QYZYLORDA. QazAqparat-Qyzylorda qalasynyń №2 soty tórt jyl boıy salyq tóleýden jaltaryp kelgen «Sıbý Qyzylorda Qazaqstan-Qytaı ınjenerlik burǵylaý kompanııasyna» qatysty isti qarady, dep habarlady QazAqparat tilshisi sotqa silteme jasap.
Bul iske baılanysty Qazaqstannyń - úsh jáne Qytaıdyń eki azamatyna 2011-2014 jyldary aralyǵynda jalpy somasy 1,3 mlrd teńge kóleminde salyq tólemegeni úshin aıyp taǵylǵan bolatyn.
Búgingi kúni kompanııa ókilderi memleket aldyndaǵy qaryzdaryn tolyq kólemde ótedi. Osyǵan oraı sot QR QK-niń 245-babyna sáıkes olardy qylmystyq jaýapkershilikten bosatty.
