Qazaqstan-Qytaı keden statıstıkasyndaǵy sáıkessizdik 45%-ǵa deıin tómendedi

NUR-SULTAN. QazAqparat – Memlekettik kirister komıteti táýekelderdi basqarý júıesin jetildirdi. Komıtet tóraǵasy Marat Sultanǵazıev OKQ-da ótken jatqan baspasóz máslıhatynda osylaı dedi, dep habarlaıdy QazAqparat tilshisi.

«Qolǵa alynǵan sharalardyń arqasynda táýekelderdi basqarý júıesiniń tıimdiligi 73%-dy qurady. 53,5 myń zańbuzýshylyq anyqtaldy. Kedendik tekserýlerdiń jalpy tıimdiligi 51%-dy quraıdy», - dedi ol.

Komıtet bastyǵy ınspektsııalyq jabdyqpen baqylaý-ótkizý pýnktterindegi kedendik operatsııalardy baqylaý úshin qurylǵan Ahýaldyq ortalyq oıdaǵydaı jumys istep turǵanyn atap ótti. Sonymen qatar rentgendik keskinderdi taldaý úshin jasandy ıntellekt engizý josparlanýda. Kedendik qunyn baqylaýdy ortalyqtandyrý jáne syrtqy saýda júkterin materıaldyq-tehnıkalyq jabdyqtaý shyǵyndaryn ońtaılandyrý maqsatynda «Elektrondyq deklaratsııa ortalyǵy» qurylǵan.

«Bul jańashyldyqtardyń nátıjesinde túsim 25 mıllıardtan astam teńgeni qurady. Kedendik ákimshilendirý sharalaryn kúsheıtý arqyly biz Qytaımen kedendik statıstıkanyń sáıkessizdigin 2017 jyly 60% -dan, 2019 jyly 48% -ǵa, al 2020 jyly 45% -ǵa deıin tómendete aldyq», - dedi ol.