Qazaqstan-Qytaı iskerlik keńesi otyrysynda 8 mlrd dollardyń kelisimi rásimdeledi
ASTANA. QazAqparat - Qazaqstan-Qytaı iskerlik keńesi otyrysynda 8 mlrd dollardyń kelisimi rásimdeledi. Búgin Aqordada elimizge resmı saparmen kelgen QHR Tóraǵasy Sı Tszınpınmen shaǵyn jáne keńeıtilgen quramdaǵy kelissózderden keıingi birlesken málimdeme barysynda Elbasy Nursultan Nazarbaev osylaı málimdedi, dep habarlaıdy QazAqparat.
Memleket basshysy Qytaı-Qazaqstan-Eýropa baǵdarymen konteınerlik júk tasymaldaý turaqty artyp, eselene túskendigin atap ótti. 2020 jylǵa qaraı júk tasymalynyń kólemi jylyna 2 mln konteınerge jetetigine senimdi ekendigin basa aıtty.
«Osylaısha Qazaqstan mańyzdy tranzıttik elge aınalyp keledi. Bul bizdiń múddemizge saı», - dedi Elbasy.
Nursultan Nazarbaev Qazaqstan men Qytaı iskerlik keńesiniń jumysyna da toqtalyp ótti.
«Búgin Astanada atalǵan keńestiń tórtinshi otyrysy ótip jatyr. Onyń aıasynda qazir ǵana sizderdiń qatysýlaryńyzben qol qoıylǵan qujattardan bólek 8 mlrd dollardyń 20-ǵa jýyq kommertsııalyq kelisimine qol qoıylatyn bolady», - dedi Qazaqstan Prezıdenti.
