«Qazaqstan-Qytaı» gaz qubyry 30 mlrd. tekshe metrge jýyq tranzıttik gaz tasymaldady
ASTANA. 3 tamyz. QazAqparat - Búgingi tańda «Qazaqstan-Qytaı» gaz qubyrynda birinshi ýchaskeniń 1-shi jáne 2-shi tarmaqtarynyń qurylysy aıaqtalyp, iske qosyldy, dep habarlady Munaı jáne gaz mınıstrliginiń baspasóz qyzmetinen pm.kz saıtyna.
«Búgingi tańda qubyr arqyly 30 mlrd. tekshe metrge jýyq tranzıttik gaz tasymaldandy», - delingen vedomstvonyń habarlamasynda.
Aıta ketý kerek, kompressorlyq stansalardyń qurylysyn qosa alǵanda «Qazaqstan-Qytaı» gaz qubyrynyń 1-shi ýchaskesiniń qurylysyn 2012 jyldyń sońyna qaraı tolyq aıaqtap, iske qosý josparlanýda. Jyldyq qýaty 30 mlrd. tekshemetrdi quraıtyn jobanyń qýatyn keıinnen 40 mlrd. tekshe metrge jetkizý qarastyrylǵan. Oǵan qosa, qazirgi tańda Qazaqstan-Qytaı gaz qubyrynyń 1-shi ýchaskesiniń úshinshi tarmaǵynyń qurylys máselesi zerdelenýde. Úshinshi tarmaqtyń arqasynda qubyrdyń jyldyq qýatyn 65 mlrd. tekshemetrge jetkizý josparlanýda.
Qazaqstan-Qytaı gaz qubyryn tartý jobasyn «QazTransGaz» AQ men Trans-Asia Gas Pipeline Company Limited kompanııasy teń negizde qurǵan birlesken qazaqstan-qytaı jobalaý kompanııasy - «Azııalyq Gaz quıýyry» JShS júzege asyrýda.
