Qazaqstan Qytaı-Eýropa-Qytaı baǵytynda jylyna 800 myń konteıner tasymaldaýdy josparlaýda
«Sońǵy jyldary álemdik tájirıbede júkterdi konteınerlendirý jáne konteınerlik tasymaldaýdy damytýǵa kóshý baıqalady. Bul turǵyda Qazaqstan qabyldap otyrǵan sharalar oń dınamıkaǵa qol jetkizýge múmkindik beredi. Máselen, aǵymdaǵy jyldyń 9 aıynda Qytaı-Eýropa-Qytaı baǵytynda 66 myń konteınerlik júk tasymaldandy. Bul 2015 jyldyń sáıkesinshe kezeńimen salystyrǵanda 2 esege kóp kólem sanalady»,- dedi Qasymbek.
Osy rette mınıstr 2020 jylǵa qaraı bul kórsetkishti jıyrma fýttyq ekvıvalentte 800 myń konteınerge deıin jetkizý josparlanyp otyrǵandyǵyn basa aıtty.
«Búgingi kúni jalpy uzyndyǵy 111 shaqyrymdy quraıtyn Almaty-Shý ýchaskesiniń ekinshi jolynyń qurylysy júrgizilýde jáne osy jyldyń jeltoqsanynda 52 shaqyrymdyq ekinshi joldy qamtıtyn birinshi ótkizý keshenin iske qosý josparlanǵan. Sonymen birge konteınerlik tasymaldy damytýǵa Quryq eldi mekeninde salynyp jatqan parom kesheni de óz septigin tıgizedi. Ol qazirdiń ózinde «Borjaqty-Ersaı» temir jol jelisimen jalǵastyrylǵan. Parom keshininiń birinshi kezegi osy jyldyń 1 jeltoqsanynda paıdalanýǵa beriledi», - dedi ol.
