Qazaqstan Qytaı arqyly jylyna 2 mln tonna kómir eksporttaıdy
«Búginde bul baǵyttaǵy tıimdi jumysty baıqap otyrmyz. Mundaı tájirıbeni jalǵastyrý Jańa Jibek jolyn nyǵaıtyp, damyta túsýge qyzmet etetin bolady. Biz kólik-logıstıkalyq qýatty odan ary damytýǵa, kóliktik áleýetti tolyqqandy paıdalanýǵa nıettimiz. Bul ózara tıimdi taýar aınalymyn arttyrýǵa múmkindik beredi. Buǵan qosa, Memleket basshysynyń sapary aıasynda jylyna 2 mln tonnaǵa jýyq Qazaqstan kómirin Qytaıdyń Lıanıýngan porty arqyly Ońtústik Shyǵys Azııa elderine tasymaldaý týraly aldyn ala ýaǵdalastyqqa qol jetkizildi.Sonymen qatar Prezıdenttiń sapary aıasynda avıatsııalyq izdeý jáne azamattyq kemelerdi qutqarý salasyndaǵy yntymaqtastyq týraly óte mańyzdy úkimetaralyq kelisimge qol qoıyldy», - dedi ol QR Prezıdenti Qasym-Jomart Toqaevtyń Qytaıǵa saparyna oraı.
Sonymen qatar mınıstr Qazaqstan men Qytaıdyń termınaldardy jáne kóliktik ınfraqurylymdardy birlesip paıdalanýdyń áleýeti zor ekendigin basa aıtty. Bul baǵyttaǵy eki eldiń yntymaqtastyǵy konteınerlik tasymaldyń arta túsýine septigin tıgizedi.
«Nurly jol» baǵdarlamasyn «Bir jol - bir beldeý» bastamasymen túıindestirý josparyn júzege asyrý aıasynda 4 jyldyń ishinde Qytaı-Eýropa-Qytaı baǵdaryndaǵy konteınerlik tasymal kólemi 15 ese ósti. Bul baǵytta 2014 jyly konteınerlik júk tasymalynyń kólemi 21 myń bolsa, ótken jyldyń qorytyndysynda 310 myń konteınerge jetti. Jyl saıynǵy ósim 50 paıyzdan asyp túsedi«, - dedi Roman Sklıar.