Qazaqstan-Qytaı arasyndaǵy saýda-statıstıka aıyrmashylyǵy 45 paıyzǵa tómendedi
«Ótken jyly memlekettik kirister organdary 11,4 myń salyqtyq tekserý júrgizdi. Bul 2019 jylmen salystyrǵanda 1,6 ese az, al nátıje kórsetkishi 29 paıyzǵa artyq. Qashyqtan baqylaýdyń jańa ádisteri engizildi. Bul naqty taýarlary joq mámileler men qolma-qol aqshaǵa aınaldyrý boıynsha shemalarǵa qatysatyn táýekeli joǵary kompanııalardy onlaın rejımde anyqtaýǵa múmkindik bar», - dedi ol.
Mınıstrdiń aıtýynsha, «Qazynashylyq súıemeldeý» jobasyna qatysýshylar boıynsha tólengen salyq kólemi 24 paıyzǵa ósip, 2020 jyly 202 mlrd teńgeni qurady.
«Qytaı Halyq Respýblıkasynyń eksporty – Qazaqstan Respýblıkasynyń ımporty baǵyty boıynsha statıstıkalyq derekterdegi aıyrmashylyqtar ótken jyly 45 paıyzǵa deıin tómendedi. Kedendik tekserýlerdiń tıimdiligi artyp, qosymsha 25 mlrd teńge túsirýge múmkindik berdi. Ákimshilendirý protsesterin avtomattandyrý jáne adamı faktordy boldyrmaý maqsatynda «Eksporttyq baqylaý» modýli iske qosyldy jáne navıgatsııalyq plombalardy paıdalaný bastaldy. Osyǵan baılanysty Eýrazııalyq ekonomıkalyq odaq elderinen qosylǵan qun salyǵy 12,2 mlrd teńgege ósti jáne birinshi ret úshinshi elderden keletin ımporttan túsken túsimnen 34 mlrd teńgege asyp tústi», - dedi Erulan Jamaýbaev.
