Qazaqstan Qytaı AES-terin ýran otynymen qamtamasyz etedi - Bozymbaev
ASTANA. QazAqparat - Qazaqstan Qytaı AES-terin ýran otynymen qamtamasyz etedi. Bul týraly búgin elordada ótip jatqan Azııadaǵy ıadrolyq kooperatsııalar forýmynyń mınıstrler deńgeıindegi 18-keńesi aıasynda BAQ ókilderine suhbat bergen QR Energetıka mınıstri Qanat Bozymbaev aıtty, dep habarlaıdy QazAqparat.
Mınıstrdiń dereginshe, búginde Qazaqstan ýran óndirýde kóshbasy el sanalady. «Qazatomónerkásip» ulttyq kompanııasy men onyń seriktes, enshiles kompanııalary, birlesken kásiporyndary álemdik naryqqa tabıǵı ýrannyń shamamen 40 paıyzyn shyǵaryp otyr.
«Bul is júzinde jaqsy da. Biraq, bizdiń sala aldyna qoıyp otyrǵan mindetimiz - álemdik naryqta ýran óndirý men satýda álemdik kóshbasshy bolyp qala berýdi jalǵastyrý, munymen ǵana shektelmeı joǵary óńdelgen ónimdi satý boıynsha jahandyq iri oıynshyǵa birtindep aınalý. Ol degenimiz atom stansalary úshin otyn shyǵarý jáne Qazaqstan osy jolda ilgerilep keledi», - dedi mınıstr.
Osy rette ol qazirgi ýaqytta elimizdiń ýran salasynda birqatar qaıta óńdelgen ónim joq ekendigin eske salyp ótti.
«Ózderińizde biletindeı, Qazaqstanda birqatar qaıta óńdelgen ónim joq. Sondyqtan da reseılik seriktestermen birlesken kásiporyn quryldy. Onda ýrandy baıytý operatsııalaryn júrgizýge bolady. Qazirgi ýaqytta biz bul máselemen jumys istep jatyrmyz jáne 2019 jyly qytaılyq seriktesermen otyndyq jıyntyqtardy shyǵaratyn zaýyt qurylysy aıaqtalady. Al 2019-2020 jyldary atalǵan otyn jıyntyǵymen Qytaıdyń alǵashqy 5 elektr stansasyn qamtamasyz ete bastaımyz», - dedi Bozymbaev.
