Qazaqstan qysqy týrızmi tartymdy TMD-daǵy elderdiń kóshin bastady

ASTANA. QazAqparat – Qazaqstan Táýelsiz Memleketter Dostastyǵynda qysqy týrızm úshin tartymdy elderdiń kóshin bastady, dep habarlaıdy QazAqparat tilshisi.

TýrStat deregine sáıkes, qysqy demalysqa qolaıly TMD-daǵy 5 úzdik eldiń qataryna Qazaqstan, Ázerbaıjan, Qyrǵyzstan, Ózbekstan jáne Armenııa kiredi.

Qysta saıahattaǵandy jaqsy kóretin týrıster úshin Qazaqstanda Astana men Almaty qalalary, Almaty taýlaryndaǵy Shymbulaq, Býrabaı jáne Shyǵys Qazaqstan oblysyndaǵy taý shańǵysy shıpajaıy óte tartymdy.

Al Ázerbaıjanda týrıster el astanasy Baký men Shekı qalasyna, Shahdag pen Týfandag taý tańǵysy shıpajaıyna jáne Naftalan saýyqtyrý shıpajaıyna jıi barady.

Qyrǵyzstanda Bishkek qalasy, Qarakól taý shańǵysy shıpajaıy jáne sý qatpaıtyn Ystyqkól týrısterdiń súıikti ornyna aınalǵan.

Týrıster qysty kúni Ózbekstan astanasy Tashkent qalasyna, Jibek joly boıyndaǵy Buqara men Samarqand qalalaryna jáne Chımgan taý shańǵysy shıpajaıyna barýdy qalaıdy.

Armenııa bolsa astanasy Erevanmen jáne Tsahkadzor taý shaǵysy kýrortymen qysqy týrızmdi jaqsy kóretinder úshin tanymal orynǵa aınalǵan.