Qazaqstan qysqy Azııa oıyndaryn ótkizýge daıyn - QR Týrızm jáne sport vıtse-mınıstri
ýsymnyń 4-i. QazAqparat /Erbol Azanbek/ - Qazaqstan 7-shi qysqy Azııa oıyndarynan keıin de iri halyqaralyq sporttyq, ekonomıkalyq sharalardy ótkizetin bolady. Bul týraly búgin Almatyda ótip jatqan Qazaqstandyq sammıt barysynda QR Týrızm jáne sport vıtse-mınıstri Qaıyrbek Óskenbaev málim etti.
Qaıyrbek Óskenbaevtyń aıtýynsha, qazirgi kezde zamanýı talapqa saı sport, kórme keshenderi salynýda. Bul nysandar Azııa oıyndarynan soń da halyqaralyq iri sharalardy ótkizý úshin paıdalanylatyn bolady. «Máselen, Azıada oıyndarynan soń 2017 jyly ótkiziletin iri halyqaralyq EHRO kórmesin ótkizýge ótinish berdik», dedi vıtse-mınıstr. Onyń aıtýynsha, sport keshenderi Azııa oıyndarynan soń da damytylady.
«Máselen, Shymbulaqqa qazirgi kezge deıin 250 mıllıon dollar salyndy. Aldaǵy ýaqytta taǵy 800 mıllıon dollar kóleminde qarjy quıylady dep josparlanǵan. Demek, Azııa oıyndarynan keıin de Shymbulaqty halyqaralyq ortalyqqa aınaldyrý jalǵasady. Aldaǵy ýaqytta bul sport kesheniniń kelbeti múldem ózgeredi dep oılaımyn», dedi Qaıyrbek Óskenbaev. Ol óz sózinde Qazaqstannyń 7-shi qysqy Azııa oıyndaryn ótkizýge daıyn ekendigin de atap ótti.
