Qazaqstan qyrkúıekte BUU-nyń qandaı sharalaryna qatysady

ASTANA. QazAqparat - Búgin QR Syrtqy ister mınıstrligi baspasóz qyzmetiniń jetekshisi Aıbek Smadııarov Qazaqstan delegatsııasy BUU-nyń qandaı mańyzdy sharalaryna qatysatyndyǵyn málim etti, dep habarlaıdy QazAqparat tilshisi.

«17-20 qyrkúıek aralyǵynda BUU-nyń Nıý-Iork qalasyndaǵy shtab-páterinde BUU Qaýipsizdik Keńesi aıasynda Qazaqstannyń qatysýymen birqatar mańyzdy is-shara ótedi. Olardyń ishinde 17 qyrkúıekte Aýǵanstandaǵy jaǵdaıǵa jáne BUU-nyń Aýǵanstanǵa kómek kórsetý mıssııasyna qatysty pikirtalastar, 18 qyrkúıekte Sırııadaǵy gýmanıtarlyq jáne saıası jaǵdaı jónindegi brıfıng, 20 qyrkúıekte Taıaý Shyǵystaǵy jaǵdaı, sonyń ishinde Palestına máselesi boıynsha brıfıng ótedi», - dedi ol.

SІM ókiliniń aıtýynsha, BUU alańynda ótetin bul oqıǵalardyń barlyǵyn jáne Qazaqstan delegatsııasynyń sóılegen sózin BUU hatshylyǵynyń veb-telearnasy arqyly onlaın-rejimde kórýge bolady.

«Kezdesýler BUU-nyń barlyq resmı tilderinde kórsetiledi»,-  dedi Aıbek Smadııarov.