Qazaqstan Qyrǵyzstanmen aradaǵy shekarasyn ol eldegi ishki saıası jaǵdaıdyń turaqtalýyna qaraı ashatyn bolady - Úkimet basshysy
áýirdiń 9-y. QazAqparat /Ernur Aqanbaı / - Qazaqstan Qyrǵyzstanmen aradaǵy shekarasyn ol eldegi ishki saıası jaǵdaıdyń turaqtalýyna qaraı ashatyn bolady.
Bul týraly búgin Astanada Grýzııa Premer-Mınıstri Nıkoloz Gılaýrımen bolǵan kelissózderden keıingi baspasóz máslıhatynda QR Premer-Mınıstri Kárim Másimov aıtty, dep habarlaıdy QazAqparat.
«Iá, shyn máninde biz keshe keshke Qyrǵyzstanmen aradaǵy shekarany jabý týraly sheshim qabyldadyq. Alaıda, biz ol shekarany Qyrǵyzstandaǵy jaǵdaıdyń turaqtanýyna qaraı ashatyn bolamyz», dedi K. Másimov.
Premer-Mınıstrdiń aıtýynsha, Qazaqstan Úkimeti qyrǵyz halqyna jan-jaqty gýmanıtarlyq kómek kórsetetin bolady. Sonymen qatar K. Másimov grýzındik jýrnalıstiń: «Qyrǵyzstandaǵy ishki jaǵdaıdy turaqsyzdandyrýǵa qandaı da bir syrtqy kúshter tartylǵan joq pa?» degen suraǵyna, bul jóninde BAQ-tarda ártúrli aqparattardyń kóp ekendigin aıta kele: «Bizde ondaı derek joq», dep jaýap berdi.
