Qazaqstan Qyrǵyzstanǵa ımporttyń kúrt artýyna taldaý júrgizdi

ASTANA. QazAqparat - Qazaqstan Qyrǵyzstanǵa ımporttyń kúrt artýyna taldaý júrgizdi. Bul týraly búgin Ortalyq kommýnıkatsııalar qyzmetindegi brıfıngte QR QM Memlekettik kirister komıtetiniń tóraǵasy Ardaq Teńgebaev aıtty, dep habarlaıdy QazAqparat.

«2016 jylǵy kedendik derekterge sáıkes, QHR-dan Qyrǵyzstanǵa taýarlardyń ımporty 2016 jylmen salystyrǵanda 42 paıyzǵa artyp, 1,5 mlrd AQSh dollaryn qurady. Bul rette Qazaqstan aýmaǵy arqyly Qyrǵyzstanǵa ótkiziletin taýarlardyń tranzıti 67 paıyzǵa kóbeıdi. Biz Qyrǵyzstanǵa ımporttyń osyndaı kúrt artýyna taldaý júrgizdik», - dedi ol.

Komıtet basshysynyń atap ótýinshe, taldaý nátıjesinde Qyrǵyzstandaǵy kedendik qun Qazaqstanmen salystyrǵanda 2 jáne odan da kóp esege eleýli tómendegeni anyqtalǵan.

«Taýarlardyń qunyn tómendetý myń paıyzdy quraıtyn jekelegen jaǵdaılar da bar. Mysalǵa er adamnyń bir jeıdesiniń kedendik quny Qazaqstan Respýblıkasynda bir danasy úshin 5,45 AQSh dollaryn quraıdy. Al dál sol jeıde Qyrǵyz Respýblıkasynyń kóleminde 0,44 AQSh dollaryna teń. Sonda 5,08 esege tómen bolyp otyr. Taǵy bir aıtyp ketetin jaǵdaı, áıelder etiginiń bir danasy Qazaqstanda 28,85 AQSh dollaryn, Qyrǵyzstanda dál osy etik 2,74 AQSh dolarryn quraıdy. ıAǵnı, baǵa 100,5 ese tómen kórsetilip otyr», - dedi Teńgebaev.