Qazaqstan Qyrǵyzstanǵa gýmanıtarlyq kómek kórsetti
ASTANA. QazAqparat - Qazaqstan Respýblıkasynyń Úkimeti Qyrǵyzstan Respýblıkasyna gýmanıtarlyq kómek kórsetti. Bul týraly KırTAG Qyrǵyzstannyń TJM baspasóz qyzmetine silteme jasap habarlady.
«27-28 tamyzda Belovodskoe temir jolyna Qazaqstan Respýblıkasynan 5 myń adamǵa arnalǵan shatyr, jylytý peshi, kórpe, tósek-oryn, as-úı kerek-jaraqtary túrinde gýmanıtarlyq kómek jetkizildi»,- delingen habarlamada.
Qyrǵyzstanǵa gýmanıtarlyq kómek kórsetý sheshimin Qazaqstan úkimeti qabyldaǵany atap ótiledi. Kómek tótenshe jaǵdaıdan zardap shekken turǵyndarǵa arnalǵan.
