Qazaqstan Qyrǵyzstanǵa EAEO-ǵa beıimdelýi úshin kómektesedi
BІShKEK. QazAqparat - Qazaqstan Qyrǵyzstanǵa Eýrazııalyq ekonomıkalyq odaq jaǵdaıyna beıimdelýi úshin Qyrǵyzstanǵa qarjylaı qoldaý kórsetedi, dep habarlady «QazAqparat» HAA tilshisi.
«Qyrǵyz ekonomıkasynyń EAEO jaǵdaıyna beıimdelýi úshin qarjylaı kómek kórsetý sheshimi qabyldandy. Qujattar ratıfıkatsııalaýǵa berildi», - dep habarlady Bishkekte JEEK keńeıtilgen otyrysy barysynda QR Prezıdenti N. Nazarbaev.
Memleket basshysy Qazaqstan kórshi elge kómek kórsetýge únemi ázir ekenin atap ótti jáne EAEO-ǵa múshe basqa memleketterdi bir-birin qoldaýǵa shaqyrdy.
«Qazirgi ekonomıkanyń aýyr kezeńinde bir-birimizge ózara kómek kórsetýimiz qajet. Sonymen, bizdiń elimiz jaǵynan kórshi Qyrǵyzstanǵa kómektesý úshin naqty sharalar qabyldandy: Qazaqstan arqyly tranzıtpen qyrǵyz júkterin tasymaldaý kezinde ishki temir jol tarıfteri usynyldy. Bul bizdiń áriptesterimizge 60 mıllıon dollar únemdeýge múmkindik berdi», - dep qosty N. Nazarbaev.
Eske salsaq, Bishkekte «Ala-Archa» memlekettik rezıdentsııasynda Qyrǵyzstannyń tóraǵalyǵymen JEEK otyrysy ótýde. Kezdesýge Qazaqstan, Qyrǵyzstan, Armenııa, Belarýs, Reseı, sondaı-aq EAEO janyndaǵy baqylaýshy memleket bolǵan Moldova prezıdentteri keldi.
