Qazaqstan Qyrǵyzstandaǵy azamattyq qaqtyǵystyń aldyn aldy - Elbasy
áýirdiń 16-sy. QazAqparat /Ernur Aqanbaı/ - Qazaqstan Qyrǵyzstandaǵy azamattyq qaqtyǵystyń aldyn aldy. Bul týraly búgin Aqordadaǵy brıfıngte Qazaqstan Prezıdenti Nursultan Nazarbaev málimdedi,
dep habarlaıdy QazAqparat .
«Biz eldiń ońtústigi men soltústigi arasyndaǵy qaqtyǵysqa ulasyp bara jatqan Qyrǵyzstandaǵy azamattyq qaqtyǵysty boldyrmadyq dep esepteımin», dedi Elbasy óz sózinde. Osy oraıda Prezıdent Qazaqstan EQYU-nyń atynan jáne Vashıngtondaǵy ıadrolyq qarýsyzdaný sammıti kezinde Qyrǵyzstandaǵy jaǵdaıǵa alańdaýshylyq bildirgen memleket basshylarynyń atynan jaqsy mıssııany oryndaǵanyn atap ótti.
Budan buryn habarlaǵanymyzdaı, búgingi brıfıngte N. Nazarbaev Qazaqstan Qyrǵyzstannyń ýaqytsha Úkimetimen júrgizgen kelissózderiniń nátıjesinde QR Qorǵanys mınıstrliginiń Áskerı áýe kúshteriniń ushaǵy Qurmanbek Bákıevti jáne onyń otbasyn sáýirdiń 15-i kúni Qyrǵyzstan aýmaǵynan alyp shyǵyp, Qazaqstanǵa ákelgenin aıtty. Nómiri 4-shi bort keshe saǵat 18.30-da Almatydan ushyp shyǵyp, 19.15-te Jalalabadqa qonǵan. Al saǵat 20.15-te Bákıev jáne onyń otbasy mingen ushaq Qazaqstanǵa kelip qonǵan.
