Qazaqstan-Qyrǵyzstan shekarasynda kontrabandalyq júk ótkizýdiń joly kesildi
ASTANA. 9 naýryz. QazAqparat - Qazaqstan-Qyrǵyzstan shekarasynda «Ońtústik» óńirlik basqarmasynyń shekara otrıady kontrabandalyq júk ótkizýdiń jolyn kesti.
Bul aqparatty QR Ulttyq qaýipsizdik qyzmetiniń baspasóz qyzmeti taratyp otyr.
«6 naýryzda «Grodıkovo» men «Shóldala» shekara zastavalarynyń ýchaskesinde 3 «KamAZ» kóligimen Qyrǵyzstannan elimizge jalpy salmaǵy 33 tonna azyq-túlikti shekaradan zańsyz alyp ótpek bolǵan Qazaqstannyń 2 jáne Qyrǵyzstannyń 3 azamaty ustaldy», - delingen baspasóz habarlamasynda.
Sondaı-aq QR UQK aqparaty boıynsha, sol kúni Qyrǵyzstannan «KamAZ» kóligimen jalpy salmaǵy shamamen 24 tonna bolatyn janarmaı alyp ótpek bolǵan 2 Qazaqstan azamaty qolǵa túsken.
«Kontrabandalyq osy faktiler boıynsha tergeý amaldary júrgizilýde», - delingen vedomstvo aqparatynda.
