Qazaqstan - Qyrǵyzstan shekarasynda avtobýstan qarý men oq-dáriler tabyldy

ASTANA. QazAqparat - Qazaqstan - Qyrǵyzstan memlekettik shekarasynda tapansha men oq-dárilerdi alyp ótýge tyrysqan avtobýstyń eki júrgizýshisi ustaldy, dep habarlaıdy QazAqparat UQK Shekara qyzmetiniń baspasóz málimetterine silteme jasap.

Baspasóz málimetterine qaraǵanda, «Qordaı» baqylaý-ótkizý beketiniń shekara otrıady «Bishkek - Shymkent» baǵytynda kele jatqan jolaýshylar avtobýsyna shekaralyq baqylaý jasaý kezinde odan 2 tapansha men onyń toǵyz patronyn ótkizýge tyrysqandardyń aılasyn áshkereledi.

Inspektsıondy-tekserý qurylǵysy jolaýshylardyń zattaryn qaraý kezinde teledıdardyń qabyrǵasyna japsyrylyp turǵan bóten zatty anyqtady.

Shekarashylarmen birge júrgen qyzmettik ıt te oq-dáriniń ıisin sezdi. Teledıdardy ashyp qaraǵanda onyń artqy qabyrǵasyna uqypty japsyrylǵan Makarov tapanshasy men oǵan arnalǵan 9 patron tabyldy.

Avtobýs júrgizýshisiniń sózine qaraǵanda,, teledıdar áldekimniń «sálemdemesi» kórinedi.