Qazaqstan-Qyrǵyzstan shekarasynda 22 adam transulttyq top qurdy degen aıyppen ustaldy
Qorǵas isi qaralǵan Almatyda 22 adamǵa qatysty taǵy da bir transulttyq qylmystyq is qaralatyn bolady. Bul is Almatyǵa tústi. Jaqyn arada basty sottyq is qaraý anyqtalady. Tergeý aıaqtaldy jáne ony qaraý bastapqyda Taraz qalasynda ótti. Sebebi ol oqıǵa Qazaqstan men Qyrǵyzstan shekarasynda bolǵan.
"Atalmysh qylmystyq is Qylmystyq ister boıynsha mamandandyrylǵan aýdanaralyq áskerı sotynyń óndirisinde. Qazirgi tańda aldyn ala tyńdaýlar júrýde. Aldyn ala tyńdaý Taraz qalasynda sot otyrysynda ótken. Aldyn ala tyńdaýdy jalǵastyrý maqsatynda kúdiktiler Almaty qalasyna kóshirildi. Kelesi aldyn ala tyńdaýlar 16 sáýirde ótedi dep belgilengen. Ázirge ol qylmystyq-protsessýaldyq zańǵa sáıkes, jabyq sot otyrysynda tyńdalady. Keıin negizgi sottyq isti qaraý kúni belgilenedi. Osy istiń fıgýranttary retinde 3 áskerı qyzmetker ótýde. Bireýi ofıtserlik quramnyń, ekeýi kelisimshart boıynsha qyzmet etip júrgen qyzmetkerler, transulttyq uıymdasqan qylmystyq toptyń quramyna kirdi, ekonomıkalyq kontrabandaǵa qatysy bar jáne memlekettik shekarany zańsyz buzdy dep aıyptalyp otyrǵan 14 azamat - Qyrǵyzstan azamattary. Jalpy 22 adam tergeýge alyndy, onyń 21-i - qamaýda. Qyrǵyzstan tarapynan ustalǵandar áskerı qyzmetkerler bolyp tabylmaıdy", - dedi E.Ahmetjanov. Onyń aıtýynsha, mundaı qylmysqa keminde 12 jyl bas bostandyǵynan aıyrý jazasy taǵaıyndalady.
"Olarǵa qatysty qandaı sanktsııa kútip otyrǵandyǵyn qazir aıtý durys emes. Qazaqstannyń kez kelgen azamaty tek sot sheshimi zańdy túrde engennen keıin ǵana aıypty dep tanylady. Olar transulttyq uıymdasqan top qurdy dep aıyptalyp otyrǵandyqtan, qylmystyń bul túri asa aýyr bolyp esepteledi. Oǵan jaýapkershilik retinde 12 jyldan astam bas bostandyǵynan aıyrý jazasy qarastyrylǵan", - dep atap ótti sot tóraǵasy.
Kontrabanda halyq tutynatyn taýarlarǵa qatysty bolǵan. 14 júk kóligi Qazaqstannyń Qyrǵyzstanmen shektesetin memlekettik shekarasyn zańsyz kesip ótken jáne Qazaqstannyń áskerı quqyq qorǵaý organdarymen ustaldy.
