Qazaqstan, Qyrǵyzstan, Ózbekstan jáne Ýkraına jýrnalısteri Almatyda densaýlyq saqtaý salasyndaǵy keleli máselelerdi talqylamaq
ASTANA. 1 qarasha. QazAqparat /Gúlmıra Álıakparova/ - 2-3 qarasha kúnderi Qazaqstan, Qyrǵyzstan, Ózbekstan jáne Ýkraına jýrnalısteri Almatyda bas qosyp, densaýlyq saqtaý salasyndaǵy keleli máselelerdi, onyń ishinde tumaý men basqa da juqpaly aýrýlar jaıyn talqylaıtyn bolady.
«Tumaý jáne juqpaly aýrýlar: BAQ-ta aqparattandyrylýy» taqyrybymen jýrnalısterge arnalǵan semınardy AQSh Memlekettik departamentiniń Muhıttar isteri men halyqaralyq ekologııalyq jáne ǵylymı máseleler boıynsha bıýrosy uıymdastyryp otyr.
Semınarǵa sondaı-aq, AQSh-tyń Aýrýlardy baqylaý jáne aldyn-alý ortalyǵy men Dúnıejúzilik densaýlyq saqtaý uıymynyń qus tumaýy, pandemııalyq tumaý, sondaı-aq jalpy juqpaly aýrýlar boıynsha óńirlik jáne halyqaralyq sarapshylary qatysady.
