Qazaqstan qyrǵyz ónimderine qatysty tıisti jaýap sharalaryna daıyn
«Qazaqstandyq taýarlarǵa, sondaı-aq EAEO-nyń basqa elderiniń taýarlaryna baqylaý baǵalarynyń eń tómengi deńgeıin qoldanýy arqyly qyrǵyz bıligi negizinde qosymsha tólemderdi engizýde. Osylaısha, eger qazaqstandyq óndirýshi Bishkekke kelisiniń ortasha baǵasy 17 somnan un ákelse, bul rette qyrǵyzdyń salyq qyzmetteri 22 som/kg mólsherindegi baqylaý baǵasynyń eń tómengi deńgeıin esepke ala otyryp QQS alady. Basqa taýarlar boıynsha da dál sol jaǵdaı, mysaly, kóktemgi-jazǵy kezeńde jumyrtqanyń baǵasy 2 somdy quraıdy, bul rette baǵanyń eń tómengi deńgeıi – 4,9 som bolyp eseptelinedi. Eń tómengi baǵany anyqtaý tártibi aıqyn emes, qyrǵyz úkimetiniń qaýlysymen belgilengen eń tómengi baǵalar negizdelmegen», - dep QR Saýda jáne ıntegratsııa mınıstrligi túsindiredi.
Mınıstrliktiń málimetinshe, negizinen baqylaý baǵalarynyń eń tómengi deńgeıi tamaq taýarlaryna, onyń ishinde un, qant, kúrish, onyń ishinde usaqtalǵan jumyrtqa, syra, sondaı-aq tsementke, kómirge qoldanylady. Barlyq kórsetilgen taýarlar dástúrli túrde Qyrǵyzstanǵa qazaqstandyq eksporttyń negizin quraıdy. Baqylaý baǵalarynyń eń tómengi deńgeıin qoldaný saldarynan QQS-tyń ulǵaıtylǵan somasyn tóleý Qyrǵyzstan naryǵyndaǵy qazaqstandyq taýarlardyń baǵalyq básekege qabilettiligine teris áser etedi.
«Bul mehanızm qyrǵyz taýarlaryna da, úshinshi elderden ákelinetin taýarlarǵa da qoldanbaýy sebebinen atap aıtqanda «ulttyq rejim» jáne «neǵurlym qolaıly rejim» halyqaralyq saýdanyń negizin qalaýshy qaǵıdattary boıynsha EAEO jáne DSU quqyǵynyń tikeleı buzylýy bolyp tabylady. Sondaı-aq Bishkek qoldanatyn bul normalar DSU-nyń kedendik qun týraly kelisiminiń erejelerine sáıkes kelmeıdi», delingen habarlamada.
Mınıstrliktiń málimdeýinshe, Qyrǵyzstan óziniń halyqaralyq mindettemelerin oryndamaǵan jaǵdaıda, Qazaqstan qyrǵyz taýarlaryna qatysty quqyqty paıdalanyp barabar sharalardy qoldanýǵa nıetti.
Qazaqstannyń DSU jáne EAEO alańdaryndaǵy úndeýlerin bıylǵy jyldyń naýryz-sáýir aılarynda qaraý josparlanyp otyr.
