Qazaqstan Qyrǵyz eline eki mektep salyp beredi - Májilis
ASTANA. 18 jeltoqsan. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Qyrǵyz respýblıkasynda mektep salý týraly kelisimdi jáne 2012 jylǵy 22 tamyzdaǵy Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Qyrǵyz Respýblıkasynda mektep salý týraly kelisimge ózgerister engizý týraly hattamany ratıfıkatsııalaý týraly» zań jobasyn maquldady.
Atalǵan hattamaǵa 2013 jylǵy 11 sáýirde Astana qalasynda qol qoıylǵan. Zań jobasynyń maqsaty Osh oblysynda toǵyz júz oryndyq mektep salý jáne oǵan irgeles jatqan aýmaqty abattandyrý bolyp tabylady. Hattamamen osy kelisimge mekteptiń sanyn ekige deıin kóbeıtý bóligine ózgeris engizilip otyr. «Qyrǵyz tarapy nysandardy salý úshin Bishkek qalasynda 2, 49 gektar kóleminde jáne Osh qalasynda 2,5 gektar kóleminde Qyrǵyz Respýblıkasynyń zańnamasyna sáıkes qandaı da bir mindettemelerden bosatylǵan jer ýchaskelerin usynatyn bolady. Mektepterdi salý «Samuryq-Qazyna» qory bóletin, jalpy mólsheri 1 mlrd. 200 mln. 800 myń teńge qarajat esebinen júzege asatyn bolady.
