Qazaqstan Qyrǵyz elindegi Qytaı Elshiligine jasalǵan shabýyldy úzildi-kesildi aıyptaıdy
ASTANA. QazAqparat - Qazaqstan Syrtqy ister mınıstrligi Qytaı Halyq Respýblıkasynyń Qyrǵyz Respýblıkasyndaǵy Elshiligine jasalǵan shabýylǵa baılanysty málimdeme jasady.
«Lańkestik akt retinde tanylǵan Qytaı Halyq Respýblıkasynyń Qyrǵyz Respýblıkasyndaǵy Elshiligine jasalǵan shabýyldy úzildi-kesildi aıyptaımyz. Atalǵan qylmysty egjeı-tegjeıli tergeý men kinálilerdi jaýapkershilikke tartýda qyrǵyz tarapynyń jigerliligin qoldaımyz. Ortalyq Azııadaǵy qaýipsizdik máseleleriniń ózektiligine qaıta nazar aýdarýdamyz. Lańkestiktiń kez-kelgen nysandary men kórinisterine jol berilmeýi tıistigin málimdep, atalǵan zulymdyqqa qarsy halyqaralyq kúsh-jigerdi biriktirýge shaqyramyz», - delingen málimdemede.
