Qazaqstan qylmystyq isterdegi ózara kómek týraly amerıkaaralyq konventsııaǵa qosyldy
ASTANA. QazAqparat - Búgin Senattyń jalpy otyrysynda «Qylmystyq ister boıynsha ózara kómek týraly amerıkaaralyq konventsııany ratıfıkatsııalaý týraly» QR Zańy qabyldandy.
Konventsııa 1992 jyly 23 mamyrda Nassaýda jasalǵan. Qujatqa sáıkes, qatysýshy memleketter tergep-tekserýde, qylmystyq qýdalaýda jáne suraý salýshy memlekettiń kómek týraly suraý salýy kezinde ıýrıkdıktsııasy bar qylmystarǵa jatatyn is-áreketterde bir-birine ózara kómekter kórsetedi.
«Bul - konventsııa ekijaqty emes, kópjaqty qujat. Oǵan amerıkalyq Kanada, Meksıka, Brazılııa, Bolıvııa, Venesýela, Kolýmbııa, Argentına, Chılı, ıAmaıka sekildi 26 memleket qosylǵan. Bul konventsııany qabyldasaq, onda qylmystyq ister boıynsha Qazaqstan atalǵan 26 memleketpen ózara kómekter kórsetýge birden múmkindik alady. ıAǵnı, Konventsııaǵa qosylý úshin Qazaqstanǵa árbir memlekettiń jeke kelisimi kerek emes. Sonymen qatar, atalǵan konventsııa - ashyq qujat. Aldaǵy ýaqytta qosylatyn memleketter sany da kóbeıýi múmkin», - dedi zań jobasy boıynsha baıandaǵan QR Bas prokýror orynbasary Jaqyp Asanov.
Onyń sózine qaraǵanda, qujattyń sheńberinde quqyqtyq kómek berý, tergeý amaldaryn júrgizý, aktıvterdi memleketke qaıtarý sharalary da qamtylyp otyr. Qylmyskerdiń múlkin izdep tabý, ony tárkileý qaǵıdattary da retteledi. Qujatta kómek kórsetýden bas tartý qaǵıdattary da qamtylǵan. Máselen, memleketterdiń tergep-tekserýi jeke adamnyń nemese adamdar tobynyń jynysy, násili, áleýmettik jaǵdaıy, ulty, dinı senimi, ıdeologııasy boıynsha qylmystyq qýdalaý, jazalaý maqsatynda bastalǵan bolsa, odan bas tartylýy múmkin.
Parlament qabyldaǵan qujat Memleket basshysynyń qol qoıýyna joldanady.
