Qazaqstan kúzge qaraı Pfizer-diń 300 myń dozasyna tapsyrys bermek

NUR-SULTAN. QazAqparat – Qazaqstan kúzge qaraı Pfizer vaktsınasynyń taǵy 300 myń dozasyna tapsyrys beredi. QR Densaýlyq saqtaý mınıstri Ajar Ǵınııat ortalyq kommýnıkatsııalar qyzmetinde ótken brıfıngide osyndaı josparyn málim etti, dep habarlaıdy QazAqparat tilshisi.

Bú gingi tańda elimizde 1 mln 640 myń 930 doza vaktsına bar. Onyń ishinde, 329 myń doza «QazVac», 1 mln 200 myńdaı doza Sinopharm, 106,5 myń doza Pfizer vaktsınasy. Naqty Almaty qalasy boıynsha aıtsaq, búgingi tańda «QazVac»-tyń 37 myń dozasy, Sinopharm-nyń 180 myń dozasy, Pfizer-diń 8 600 dozasy bar», - dedi mınıstr.

Sondaı-aq, ol aı saıyn otandyq «QazVac» vaktsınasynyń 500 myń dozasy óndiriletinin eske saldy.

«Búginde shamamen 2 mln doza vaktsına bar dep otyrmyn. Sondyqtan, vaktsına jetpeı jatyr dep aıtýǵa negiz joq. Pfizer-ge kelsek, qolda qalǵan dozalardy qoldanyp jatyrmyz. Kúzgi kezeńge dep balalar men júıkti áıelderge qosymsha tapsyrys jasalady. Qazirgi esep boıynsha bul sanatqa jatatyn 150 myń adamǵa 300 myń vaktsına alý kerek», - dedi mınıstr.

Sondaı-aq, Ajar Ǵınııat koronavırýstyń qazirgi shtamy bastapqy shtamdaryndaı qaýipti emestigi týraly boljamdarǵa pikir bildirdi.