Qazaqstan qutqarýshylary Túrkııada kúndiz-túni jumys istep jatyr

ASTANA. QazAqparat – QR Tótenshe jaǵdaılar birinshi vıtse-mınıstri Ibragım Kúlshimbaev Túrkııadaǵy joıqyn jer silkinisiniń saldaryn joıý boıynsha júrgizilip jatqan izdestirý-qutqarý jumysyna qatysty sońǵy aqparatpen bólisti, dep habarlaıdy QazAqparat tilshisi.

«9 aqpanda Qazaqstan Respýblıkasynyń qutqarýshylar toby Túrkııanyń 3 qalasynda izdestirý-qutqarý operatsııasyn jalǵastyryp jatyr. Olardyń qatarynda Gazıantep, Nurdaǵy jáne Hataı qalasy bar. Qutqarýshylar úıindi astynan 10 adamnyń máıitin alyp shyqty. Odan bólek, 4 adamdy tirideı qutqardy. Bizdiń mamandar eki aýysymda (kúndiz, túnde) jumys istep jatyr. Іzdestirý-qutqarý jumysyn jergilikti atqarýshy organdarmen birlesip júzege asyrýdamyz», - dedi Ibragım Kúlshimbaev.

Birinshi vıtse-mınıstrdiń aıtýynsha, qutqarýshylar tıisti qural-jabdyqtarmen qamtylǵan.

Aıta keteıik, sońǵy málimetke sáıkes, Túrkııada joıqyn zilzaladan qaza bolǵandar sany 14 myńnan asty, taǵy 63 myń 794 adam jaralanǵan.

Sondaı-aq, Túrkııanyń Kahramanmarash qalasynyń mańynda 4,8 baldyq jańa jer silkinisi tirkeldi.

Búgin TJM ıÝrıı Ilın qazaqstandyq qutqarýshylardyń jumysy týraly Memleket basshysy Qasym-Jomart Toqaevqa esep bergen edi.