Qazaqstan qutqarýshylary 6 myń adamdy aman alyp qaldy
ASTANA. 18 qarasha. QazAqparat - Biz on aıdyń ishinde 6 myńǵa jýyq adamdy qutqardyq. Bul týraly búgin QR Parlament Senatynyń Halyqaralyq qatynastar, qorǵanys jáne qaýipsizdik komıtetiniń ókilderimen bolǵan kezdesýde QR Tótenshe jaǵdaılar mınıstri Vladımır Bojko málim etti.
Onyń habarlaýynsha, aǵymdaǵy jylǵy on aıdyń ishinde tótenshe jaǵdaılar qyzmeti 47 myń apattyq-qutqarý jumystaryna qatysty. Sonyń barysynda 5857 myń adam qutqaryldy. «Mine, osynyń nátıjesinde ótken jyldyń atalǵan kezeńimen salystyrǵanda, bıyl tótenshe jaǵdaılardyń sany 17,3 paıyzǵa azaıyp, adam ólimi 12 paıyzǵa qysqardy», - deıdi V.Bojko.
Mınıstr atap kórsetkendeı, búginde respýblıka boıynsha qutqarýshylar bir táýliktiń ishinde 100-240 ret san alýan tótenshe jaǵdaılarǵa shyǵyp turady.
